☆☆☆☆☆☆☆☆☆☆☆☆☆☆☆☆☆☆☆☆☆☆
ونبدأ الحوار، ونتمنى لكم قراءة مُثمرة.
☆☆☆☆☆☆☆☆☆☆☆☆☆☆☆☆☆☆☆☆☆☆
《الاسم》 :- عادل سامي صديق
《السن》 :- 23 سنة
《المحافظة》 :- اسيوط
"الموهبه "التصوير
"الهوايه"التصوير والرسم
نبذه تعريفيه عنك في بضعه سطور ؟
انا عادل من اسيوط 23 سنه بدرس في الجامعة العمالية مصور فوتوغرافي بصور بتلفوني الشخصي وبحاول اظهر جمال الاماكن وهدفي اكون ف ابعد مكان ممكن اوصله ف مجالي
_______________
《س/ متي، وكيف كانت بدايتك في مجال الرسم والتصوير؟ 》. بداية ف الرسم كانت في سن ال 12 سنة كنت بتعلم من الوالد وحبيته منه ف كملت وبقيت اتعلم عنه اكتر وفي سن ال 18 سنه حبيت ادخل في مجال التصوير حبيت اظهر كل حاجه عيني بتميزها وبطريقتي الخاصة ف انا دايما شايف اني بصور بعيني قبل عدسة كاميرتي
__________________
《س/ مَن قدم لك الدعم في بداية مشوارك؟ 》.
اللي قدملي الدعم كان مش كتير بس هخصص بالوصف اكتر حد دعمني حد جميل ومن سنين جمبي وبيدعمني ف اي حاجه بدخلها هميز الشخص ده ب اسم " الكل فالكل"
__________________
《س/ جميعنا نواجه مصاعب، وإنتقادات في بداية شغلنا، ما المصاعب والانتقادات التى واجهتك؟ 》.
هي المصاعب كانت ف الامكانيات عموما من ناحية كواليتي الصور بس بتخطاها وبحاول احسن منها اكتر واكتر ومن ناحية الانتقادات ف انا بستخدمها لمصلحتي ف اني اتطور ف مجالي واتعلم اكتر.
_________________
《س/ من مثلك الأعلى؟ 》
.
مثلي الاعلي ف طريقة وصولة لهدفة رغم المصاعب ف اكيد محمد صلاح
__________________
《س/ ما هو شعورك عند الرسم ؟ 》.
انا بستخدم الرسم والتصوير ف الخروج من اي ضغط عليا من الحياه عموما
___________________
《س/ هل فكرت بممارسة موهبة أخرى بجانب الرسم والتصوير؟ 》.
فكرت في الكورة بس طريقها كان اصعب
_________________
《س/ ماذا تعطيك الرسم والتصوير من إحساس؟ 》.
احساس مخليني حابب اني ابقا حاجه كويسه فيهم واسعي اني ابقا سايب بصمة ليا ب اسمي ف مكاني وحياة الناس سواء في وجودي او بعد وجودي
__________________
《س/ ماذا سيكون ردك إن طلب منك رسام ومصور فوتوغرافي مبتديء المساعدة ؟ 》.
طبيعي هيبقا اول الداعمين لان كلنا بنتعلم مهما وصلنا من مراحل وهو هيبقا محتاج انه يتعلم ف هكون موجود اكيد وهساعدة
__________________
《س/ ما صفات الرسام والمصور المثالي في وجهة نظرك؟ 》.
انه يسعي يبقا حاجة ويبقالة هدف وبصمتة الخاصة ف مجالة اي كان موهبتة وانه بيساعد اللي محتاج مساعدة وانه بيدعم اللي ف نفس مجالة وعموما مفيش مثالية في اي مجال هو احنا بنحاول نبقا سايبين لينا أثر بالفن اللي بنقدمة
_________________
《س/ هل يوجد لديك مواهب أخرى؟ 》.
لا
________________
《س/ هل حققت إنجازات في هذا المجال؟ 》.
حقتت شهادات ترتيبيه من مواقع اجنبية للتصوير
وضمن افضل 20% من المصورين في موقع اجنبي للتصوير
وصورتين تم اختيارهم ضمن معرض صور لموقع اجنبي
ودي مش انجازات كبيرة بس انا لسا ببدأ طريقي واني اعمل الحاجه اللي بحبها
________________
ما رأيك فى هذه المقوله "الفشل هو اول خطوات النجاح"
مقولة صح بس لو اللي فشل عنده هدف عايز يوصلة
_______________
《س/ هل يمكنك أن تحدثنا عن خططك المستقبلية؟ 》.
خططي المستقبلية هي اني اتطور اكتر في مجالي من ناحية التصوير لانة هدفي الاكبر واني ازود من امكانياتي واني الف العالم واصور كل الاماكن الجميلة في بلدي وبرا بلدي
__________________
《س/ هل تفكر في الانعزال عن مجال الرسم والتصوير في يوم من الايام؟ 》.
نهائيي
___________________
《س/ هل تريد توجيه كلمه لمن قرر الانعزال بسبب الاحباط والتناقد، وما نصحيتك لتخطي هذا الامر؟ 》.
نصيحتي ليك انك تحسن نفسك في مجالك وتعمل اللي بتحبه ووقتها هتكون مش مهتم كام واحد شاف شغلك شاف صورتك أو رسمتك وبدل ما هتكون بتفكر في انهارده كام واحد شاف فككر ف قدام انك تسيب ذكري و بصمه ف العالم خاصه بيك و بنفسك واللي جاي بعدك سواء عيالك او اهلك هما هيفتخرو بيك أو الناس بعد ما شغلك يتشاف يشوفوك و يقولو عنك انك كنت فنان حقيقي وحرفيا انت انهارده مش متشاف ولا متقدر بس طول ما انت شغال و بتسعي صدقني في وقتك اللي مقدره ربنا هتتشاف
___________________
《س/ وفي نهاية هذا الحوار هل تريد توجيه كلمه للجريدة؟ 》. انا مبسوط بالحوار ده معاكم وحقيقي اتشرفت بالتعامل معاكم ومع الصحفية المحترمة امل سيد
__________________
وفي الختام نرجو أن نكون أسعدنا حضراتكم، ونتمنى لكم جزيل الشكر، والاحترام.
☆☆☆☆☆☆☆☆☆☆☆☆☆☆☆☆☆☆☆☆☆☆
رئيس التحرير: محمد يعقوب
المحررة الصحفية: أمــل سيــد من جريدة موج الاخباريه
☆☆☆☆☆☆☆☆☆☆☆☆☆☆☆☆☆☆☆☆☆☆